O exército, formadores de corresponsais de guerra

As forzas armadas cada vez abranguen máis o seu campo de acción e parecen descuidar a sua principal misión: a guerra (pero só o parece). Agora, interveñen en misións de paz (ata fan xogos), reparten axuda humanitaria e, agora, forman aos xornalistas para ser "reporteiros de guerra". Será das poucas veces que o exército menciona esa palabra maldita: guerra.

A risco de que chegue a típica acusación de demagogo, o teletipo de Europa-Press comenza conas contradicións habituais desta institución: O curso imparteo o departamento de misións de PAZ da escoal de GUERRA do exército (algo así como o dto de sequía da da dirección de augas).

O eixo do curso é que non te maten, é dicir, técnicas de supervivencia, dado o alto número de xornalistas que morren cubrindo as guerras. Pero se pensamos na maioría dos que morreron tratando de informar, vemos que este curso non lles serviría para nada. Porque se os xornalistas son obxectivo, non hai curso que o remedie (pensemos en Couso).

Polo demáis, según o mesmo teletipo, curso prepara ao xornalista nas tácticas da guerra, pero non inclúe nengún módulo sobre a defensa contra as manobras de intoxicación informativa habituais nos dptos de comunicación das forzas armadas.